නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
සිත යන තැන දැණෙන සුවය
මුවින් මුවට ගැයෙන සම්බුදු ගුණ ගොස
තව්තිසාවේ කොයින්.....?
දෙව් විමන්වල සුවය සොය සොයා
දෙව් ලියන් කුමට දකින්නද...
සීල සමාහිත සිල් ගුණ ඇති
මහ සඟ රැවනක් වැඩ සිටිනා දසුනක්
තව්තිසාවේ කොයින්.....?
රැය ගෙවෙනා පශ්චිම යාමේ
රන්මැලි සෑ මලුවේ පේ වී සිට
බුදු ගුණ කියනා සඳ
පෙනෙයි දෙව් ලියනුත් වඳිනා රඟ
මේ මහ සෑය...
සතරවරම් දෙව් රජ දරැවන්
මල් ඉසිමින් වඩිනා විට...
සක් දෙවිදුගෙ නලල් තලය
සෑ ගැබෙහි වදින විට...
සෑ මලුවේ සිට මම වදිනෙමි
තව්තිසාව කුමට මට.....
